ഹൈദരാബാദ്: തെന്നിന്ത്യൻ സിനിമാലോകത്തെ ലേഡി സൂപ്പർസ്റ്റാർ അനുഷ്ക ഷെട്ടി വിവാഹിതയാകുന്നു എന്ന് റിപ്പോർട്ടുകൾ. ഏറെക്കാലമായി ആരാധകർ കാത്തിരുന്ന വാർത്തയാണ് ഇപ്പോൾ തെലുങ്ക് മാധ്യമങ്ങളിലൂടെ പുറത്തുവരുന്നത്. കുടുംബാംഗങ്ങൾ കണ്ടെത്തിയ ഒരു ബിസിനസുകാരനാണ് വരനെന്നും വിവാഹത്തിന് അനുഷ്ക സമ്മതം മൂളിയെന്നുമാണ് വിവരങ്ങൾ.
കുടുംബത്തിന്റെ സമ്മർദ്ദത്തിന് വഴങ്ങി
44 കാരിയായ അനുഷ്കയുടെ വിവാഹത്തിനായി കുടുംബം ഏറെക്കാലമായി ശ്രമിക്കുന്നുണ്ടായിരുന്നു. ഒടുവിൽ ബന്ധുവായ ബിസിനസുകാരനുമായുള്ള വിവാഹത്തിന് താരം സമ്മതിച്ചതായാണ് സൂചന. ഇരു കുടുംബങ്ങളും തമ്മിൽ സംസാരിച്ച് ധാരണയായെന്നും ഉടൻ തന്നെ ഔദ്യോഗിക പ്രഖ്യാപനം ഉണ്ടായേക്കുമെന്നും റിപ്പോർട്ടുകൾ വ്യക്തമാക്കുന്നു. എന്നാൽ വിവാഹ വാർത്തയോട് അനുഷ്കയോ നടിയുമായി അടുത്ത വൃത്തങ്ങളോ ഇതുവരെ പ്രതികരിച്ചിട്ടില്ല.
പ്രഭാസുമായുള്ള ഗോസിപ്പുകൾക്ക് വിരാമം?
കരിയറിന്റെ തുടക്കം മുതൽ അനുഷ്കയുടെ പേരിനൊപ്പം ഏറ്റവും കൂടുതൽ കേട്ടിരുന്ന പേരായിരുന്നു നടൻ പ്രഭാസിന്റേത്. ബാഹുബലി ഉൾപ്പെടെയുള്ള ചിത്രങ്ങളിലെ ഇവരുടെ ഓൺസ്ക്രീൻ കെമിസ്ട്രി കണ്ട് ഇരുവരും പ്രണയത്തിലാണെന്ന് ആരാധകർ വിശ്വസിച്ചിരുന്നു. എന്നാൽ തങ്ങൾ നല്ല സുഹൃത്തുക്കൾ മാത്രമാണെന്ന് താരം പലതവണ വ്യക്തമാക്കിയിട്ടുണ്ട്. പുതിയ വിവാഹ വാർത്തകൾ പുറത്തുവരുന്നതോടെ ഇത്തരം ഗോസിപ്പുകൾക്ക് അന്ത്യമാകുമെന്നാണ് കരുതപ്പെടുന്നത്.
മലയാളത്തിലേക്കുള്ള അരങ്ങേറ്റം
യോഗാ ഇൻസ്ട്രക്ടറിൽ നിന്നും നാഗാർജുനയിലൂടെ സിനിമയിലെത്തിയ അനുഷ്ക, ‘അരുന്ധതി’ എന്ന ചിത്രത്തിലൂടെയാണ് താരമൂല്യം വർദ്ധിപ്പിച്ചത്. ബാഹുബലിയിലെ ‘ദേവസേന’യായി ഇന്ത്യയൊട്ടുക്കും തരംഗമായി മാറി. കുറച്ചുകാലം സിനിമയിൽ നിന്ന് വിട്ടുനിന്ന താരം ഇപ്പോൾ വീണ്ടും സജീവമാകുകയാണ്. മലയാളികൾ ഏറെ പ്രതീക്ഷയോടെ കാത്തിരിക്കുന്ന ജയസൂര്യ ചിത്രം ‘കത്തനാർ’ ആണ് അനുഷ്കയുടെ വരാനിരിക്കുന്ന പ്രധാന പ്രോജക്റ്റ്. അനുഷ്കയുടെ ആദ്യ മലയാള ചിത്രം കൂടിയാണിത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
